Rede Espora (Escolas pola Radio) é un proxecto educativo ao que están adheridos agora mesmo máis de medio cento de centros educativos, de primaria e secundaria, que usan radios escolares (feitas por e para a rapazada, igual ca o Quero Cantar) como recurso educativo.
Nestes días cada un deses centros está a recibir o agasallo de varios exemplares do disco Quero Cantar 18, canda unha proposta de actividade vinculada aos contidos do disco. Agardamos que vos preste e que sexa de proveito. Nós, encantados de atopar persoas e proxectos cos que colaborar.